Tags

, , , , , , , , , , , , ,

არის რამე ისეთი, რასაც ქუჩაში გავლისას გულგრილად ვერ ჩაუვლით?

ჩემს შემთხვევაში პროდუქცია მრავალფეროვანია, რამდენიმეს გამოვარჩევ:

ნაწილი პირველი

 საკანცელარიო ნივთები

როდესაც მაღაზიის ვიტრინაში, თაროზე ან თუნდაც ქუჩაში დახლზე ვხედავ სხვადასხვანაირ ბლოკნოტებს, რვეულებს, კალმებს, ფანქრებს, სტეპლერებსაც კი და ა.შ მზად ვარ მთელი ფული დავხარჯო და ყველაფერი სახლში წავიღო. მერე მახსენდება რომ ამ ნივთებს ვერაფერში გამოვიყენებ სასიკეთოდ და ვდგავარ – ვუყურებ, ვუყურებ და ზოგჯერ დიდი ხნის ყურების შემდეგ 1 რამეს მაინც ვირჩევ. 

თქვენ წარმოიდგინეთ როგორი ბედნიერი ვარ როცა რვეული/ბლოკნოტი/კალამი მართლა მჭირდება! ყურებამდე გაღიმებული მივაბიჯებ უახლოესი მაღაზიისკენ და გამყიდველის უკმაყოფილო სახის მიუხედავად რამდენიმე ათეული წუთი ვარჩევ იმ ერთ საწყალ ნივთს რომელიც უნდა ვიყიდო.

გთავაზობთ რამდენიმე ფოტოს:

 დიდი სიამოვნებით მექნებოდა ეს ორი ერთმანეთის მსგავსი რვეული

კიდევ ძალიან, ძალიან ბევრს დავდებდი, მაგრამ თავი რომ არ მოგაბეზროთ ამ ფოტოებს დავჯერდები.

ჩემი დაკვირვებით, ის ადამიანები ვისაც ეს ნივთები ნამდვილად ჭირდება, იშვიათად თუ აქცევენ ყურადღებას ვიზუალურ მხარეს:

! ის რაც არ მომწონს: 

კალამი – სხვადასხვა შინაარსის უნიჭოდ წაწერილი რეკლამით - არ მსიამოვნებს მოძრავი რეკლამის გავრცელება როცა უმეტესად ამ კომპანიების შესახებ არაფერი ვიცი

პატარა ზომის ცალხაზიანი ბლოკნოტები – რაც არ უნდა ლამაზი იყოს, უბრალოდ მოუხერხებელია

იქიდან გამომდინარე, რომ ცხოვრებაში პრაქტიკული ადამიანი ვარ, ხშირად უარს ვამბობ საკანცელარიო ნივთების ყიდვით გამოწვეულ სიამოვნებაზე. 

პ.ს შემდეგ პოსტში შემოგთავაზებთ მეორე ნაწილს – კიდევ რას ვერ ჩავუვლი გულგრილად ვერასდროს!

 პ.პ.სთუ ოდესმე ჩემთვის რაიმეს ჩუქებას გადაწყვეტთ, გაითვალისწინეთ, რომ ორიგინალური, კრეატიული საკანცელარიო ნივთები ძალიან მიყვარს! =)