გქონია შემთხვევა, როცა რაიმე ნივთი უფრო მეტია ვიდრე უბრალოდ ნივთი? ანუ როცა ემოციები და ასოციაციები ამ ნივთზე ცდება მის დანიშნულებას? მე ძალიან ბევრჯერ, აი მაგალითად რამდენიმე წუთის წინ, როცა ინტერნეტში ბოდიალისას უმშვენიერეს კაბას მოვკარი თვალი. თვითონ კაბა – ჩემთვის ძალიან უცხო სხეულია, იმიტომ რომ ძირითადად შარვლებით დავდივარ და ძალიან, ძალიან იშვიათად თუ ვიცვამ კაბას. ეს კაბა კი, რომელიც აღმოვაჩინე, მიუხედავად იმისა, რომ არაფერი განსაკუთრებული მასში არაა, გაზაფხულის ასოციაციას მიქმნის, თითქოს რომ ჩაიცვამ და გაზაფხულის პირველი მერცხალი ხარ.
მართალია სინოპტიკოსების ცნობით ამინდი თბილისში გაუმჯობესების ნაცვლად უარესდება და რამდენიმედღიან თოვლსაც გვპირდებიან, მაგრამ სულ რამდენიმე წუთით მინდა გაზაფხული ჩავისუნთქო. ამ წუთას მე და კაბა ისევე შორს ვართ ერთმანეთისგან, როგორც იანვარი და გაზაფხული.
მაინც მოვა გაზაფხული და თუ გამიმართლებს ასეთ კაბას ვიპოვი… მერე რა რომ ზამთარია? მერე რა რომ ვუბერავ?
Tagged: ასოციაცია, გაზაფხული, ემოცია, ზამთარი, თოვლი, ინტერნეტი, კაბა, მერცხალი, ნივთი, სურნელი
ჩითის გოგო ^ ^
სასიამოვნო წასაკითხი იყო
კაბა კი, გოგოს სულ უხდება, გინდა უბერავდეს გინდა არა
თუ რათქმაუნდა მინგრეული ფეხები არააქვს, მოკლე არ ჩაიცვას და ეგაა
: ) მადლობა სამურაი ჯეკ <3
მეც ამომიჩემებია ეგრე, მაგრამ ყიდვაზე არც მიფიქრია. უბრალოდ მიყვარს ხოლმე, როცა რამე მაქვს ამოცემებული
“თუ გამიმართლებს” :დ <3
მომწონს შენი ბლოგი
მადლობა თამუნა<3